Korçë – Seksioni për Hetimin e Krimeve Ekonomike dhe Financiare në Drejtorinë Vendore të Policisë Korçë ka referuar materialet në Prokurori, ku ka filluar procedimi penal për shtetasin S.M., banues në Korçë. Ky shtetas u kap në lagjen nr. 9 duke ushtruar aktivitet këmbimi valutor pa licencë.
Në cilësinë e provës materiale, Policia i sekuestroi shtetasit 150,000 lekë dhe 210 euro, të cilat përdoreshin në këtë aktivitet të paligjshëm. Materialet procedurale janë kaluar tashmë në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.
Policia vijon hetimet për të zbardhur rrethana të tjera të mundshme të këtij aktiviteti të paligjshëm në rajon.
Njoftimi i policisë;
Seksioni për Hetimin e Krimeve Ekonomike dhe Financiare referoi materialet në Prokurori, ku filloi procedimi penal për shtetasin S. M., banues ne Korçë, pasi në lagjen nr. 9, u kap duke ushtruar pa licencë, aktivitetin e këmbimit valutor. Në cilësinë e provës materiale, Policia i sekuestroi këtij shtetasi 150 000 lekë dhe 210 euro që përdoreshin për këtë aktivitet.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
