Një nxënës qëllohet me thikë nga një nxënëse. Ngjarja ka ndodhur para pak minutash në lagjen “18 Shtatori” në Gjirokastër kur nxënësi A.T 15 vjeç ka ngelur i plagosur me thikë nga një 13 vjeçare, nxënëse e shkollës 9 vjeçare “Koto Hoxhi” në Gjirokastër.
Sapo nxënësi është qëlluar me mjetin prerës është vënë re nga kalimtarë të rastit të cilët kanë njoftuar policinë dhe përcjellë menjëherë në spital me makinë të rastit.
Policia menjëherë ka kapur vajzën adoleshente agresore të cilën e ka shoqëruar në ambientet e policisë nga ku do të merret nl pyetje në praninë e psikologut.
Dyshimet e para të këtij akti janë se vajza 13 vjeçare e ka kryer këtë akt për xhelozi.
Hetimet vazhdojnë.
