Pikat kufitare në Kapshticë dhe Qafë Thanë kane pasur fluks ne rritje gjate ketyre diteve.
Sipas të dhënave zyrtare, vetëm gjatë 24 orëve të fundit, 11 mijë shtetas kanë hyrë në Shqipëri nga Greqia përmes pikës kufitare të Kapshticës.
Për të përballuar këtë fluks, policia kufitare ka punuar me kapacitet të plotë, duke hapur gjashtë sportele, nga të cilët katër janë dedikuar hyrjeve. Kjo masë ka ndihmuar në shmangien e radhëve të gjata dhe ka mundësuar një proces të shpejtë dhe efikas për qytetarët që kalojnë ne te dy anet e kufirit.
Edhe në pikën kufitare të Qafë Thanës, që lidh vendin me Maqedoninë e Veriut, janë regjistruar flukse të larta hyrjeje dhe daljeje gjatë dy ditëve të fundit. Policia kufitare ka punuar me orare të zgjatura për të siguruar mbarëvajtjen ne perpunimit ne kohen e duhur te procedurave policore.
Këto masa vijnë në kuadër të përgatitjeve për festat e fundvitit, kur pritet që fluksi i hyrje-daljeve të rritet edhe më tej. Policia kufitare zyrtarisht ka bere me dije se do të vijojë punën me angazhim maksimal për të përballuar situatat dhe për të siguruar lehtësimin e lëvizjes për të gjithë qytetarët.
