Një shtetas i shpallur në kërkim ndërkombëtar është arrestuar nga policia kufitare në Pikën e Kalimit Kufitar Qafë Thanë, teksa po tentonte të hynte në territorin shqiptar.
Bëhet fjalë për Alija Arslan, 34 vjeç, banues në Kërçovë, Maqedonia e Veriut, i cili pas verifikimeve të kryera në bashkëpunim me Interpol Tiranën, rezultoi i shpallur në kërkim ndërkombëtar nga Interpol Bern/Zvicër.
Autoritetet zvicerane e kishin dënuar 34-vjeçarin me 20 vite burg për veprën penale të trafikimit ndërkombëtar të narkotikëve, sipas nenit 19 të Aktit mbi Narkotikët dhe Substancat Psikotrope të Kodit Penal Zvicerian.
Policia shqiptare, në bashkëpunim me Interpol Bern, po vijon procedurat ligjore për ekstradimin e tij drejt Zvicrës.
