Ish-deputeti dhe nënkryetari i Partisë Demokratike, Edmond Spaho, ka reaguar ashpër ndaj qytetarëve të Maliqit, të cilët protestuan një ditë më parë kundër propozimit të Partisë Socialiste për shkrirjen e kësaj bashkie me atë të Korçës.
Përmes një postimi në rrjetin social Facebook, ish-ligjvënësi i kësaj zone ka përdorur tone të forta ndaj protestuesve. Duke iu referuar zgjedhjeve të kaluara, Spaho i ka cilësuar ata si hipokritë, duke deklaruar: “E shitën votën për para e miell, hipokritë nuk meritojnë as keqardhje”.
Reforma e re territoriale dhe propozimi i PS
Reagimi i nënkryetarit të PD-së vjen pas tubimit të zhvilluar ditën e djeshme në Maliq. Banorët e zonës kanë dalë për të kundërshtuar planin e mazhorancës në kuadër të reformës së re territoriale, i cili parashikon që Bashkia e Maliqit të mos ekzistojë më si njësi e pavarur, por t’i bashkohet Bashkisë së Korçës.
Foto: Korça Blog
