Festivali Ndërkombëtar i Karnavaleve të Korçës përveç atmosferës festive që sjell në çdo rrugë të qytetit është edhe një konkurs edhe maskash dhe veshjesh mes grupeve pjesëmarrëse. Edhe këtë vit nuk kanë munguar modelet e veçanta por ajo që ra në sy ishte Ilda Pepi.
Aktorja e re korçare ka guxuar të krijojë një kostum shqiponje e cila ka qenë ndër më të veçantat në këtë festival duke tërhqeur vëmendjen e të gjithëve dhe kjo vërtetohet nga fakti se të gjithë donin të shkrepnin një foto me të.Për Ildën një kostum i tillë ka qenë një sfidë e madhe dhe shumë e vështirë, kam dashur disa herë ta lë tha ajo dhe të mos e vazhdoja, por sërish arrita që lodhjen dhe mërzitjen ta ktheja në Art thotë Pepi.
“Është viti i tretë që provoj të bëj kostume vetë, është një nga pasionet e mia. Këtë vit vendosa të eksploroj pak më shumë dhe të sillja një shqiponjë.Më pëlqen shumë kur më ndalojnë dhe më kërkojnë foto, marr emocione të bukura dhe në fund të fundit kjo është kënaqësia e një artisti. Ishte pak e vështirë për mua realizimi, e lodhshme por në fund ja arrita. Të them të drejtën kam punuar gati 3 javë për këtë kostum, nuk kanë qenë fare të lehta. Shumë herë kam dashur ta lë dhe të iki, por dashuria për të bukurën dhe artin më ka mbajtur në atë dhomë duke punuar me shumë dashuri duke e kthyer të gjithë mërzinë në art duke sjellë një shqiponjë sepse: Ne femrat jemi shqiponja.”
Karnavalet në Korçë shënuan çeljen e sezonit turistik dhe me atmosferën e këtij festivali premtohet një paketë e plotë turistike duke kombinuar aktivitetet artistike, kulturore, historike dhe gastronominë.
Kolibri.al
