Bashkia Pogradec mori pjesë në një vizitë studimore në Lubjanë dhe Bohinj, ku u shkëmbyen përvoja dhe praktika mbi Turizmin dhe Organizimin e Menaxhimit të Destinacioneve (DMO).
Modeli slloven thekson rëndësinë e përfshirjes së komuniteteve lokale, qytetarëve dhe bizneseve në zhvillimin e turizmit të qëndrueshëm, zbatimit të standardeve të qëndrueshme përmes certifikimit kombëtar dhe njohjes ndërkombëtare, dhe shfrytëzimit të potencialeve për t’u bërë një model i turizmit të gjelbër dhe të qëndrueshëm.
Me pasurinë natyrore dhe kulturore që ka, Pogradeci synon të shndërrohet në një shembull frymëzues të turizmit të gjelbër dhe të përgjegjshëm, duke vendosur në qendër mbrojtjen e mjedisit dhe përfshirjen aktive të komunitetit.
