Pas 4 javësh hetime intensive, specialistët e Seksionit për Hetimin e Narkotikëve finalizuan operacionin policor të koduar “Fazat”, duke goditur një veprimtari kriminale në fushën e narkotikëve.
Në Devoll u arrestuan në flagrancë bashkëshortët F. S., 48 vjeç, dhe E. S., 31 vjeçe, të cilët dyshohet se kishin kultivuar bimë narkotike në tokën e tyre, në zonën e quajtur “Lagjja e Fundosur”. Gjatë kontrollit në banesën e tyre, policia sekuestroi 5.8 kilogramë kanabis të përgatitur për trafikun drejt Greqisë, si dhe 2 celularë.
Bashkëshortët akuzohen për veprat penale: “Prodhimi dhe shitja e narkotikëve”, “Kultivimi i bimëve narkotike” dhe “Trafikimi i narkotikëve”. Materialet procedurale janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
