Dy të rinjtë të cilët rezultojnë të njohur për policinë në Pogradec si persona problematikë dhe që përfshiheshin në konflikte të herë pas hershme, që prej muajit Maj kur kishin qëlluar me kallashnikov e kanë fshehur atë në varrezat e qytetit.
Për gati 3 muaj të rinjtë e kanë lëvizur disa herë armën nëpër varre të ndryshme.
Lëvizja e herë pas hershme e kapakëve të varreve ku ata fshihnin armën, ishte kthyer në shqetësim për familjarët që vizitonin të ndjerët, shpesh familjarët ishin ankuar se po u dëmtoheshin varret e të afërmve me qëllim vjedhjen e tyre, pasi të rinjtë nuk i kthenin kapakët në gjendjen e mëparshme në kohën lëviznin armën.
Pikërisht këto sinjale kanë vënë në lëvizje policinë e cila ka kontrolluar më pas varrezat duke gjetur armën automatike.
Pas gjetjes së armës policia shoqëroi mbrëmjen vonë të hënën dy të rinjtë, pas shumë orësh në komisiariat dhe marrjesh në pyetje ata kishin pranuar se ishin posedues të armës automatike.
