Kryetari i Bashkisë së Korçës, Sotiraq Filo, mirëpriti sot në një takim zyrtar Konsullin e ri të Përgjithshëm të Greqisë, z. Asterios Bouzias.
Gjatë takimit, z. Filo e uroi diplomatin grek për marrjen e detyrës së re dhe theksoi bashkëpunimet e hershme që qyteti i Korçës ka pasur me Greqinë, veçanërisht në fushën e kulturës dhe artit. Po ashtu, u diskutuan edhe mundësi të reja bashkëpunimi në fusha të tjera me interes të ndërsjellë.
Kryebashkiaku Filo u shpreh i bindur se marrëdhëniet e mira mes Korçës dhe Greqisë do të vijojnë të forcohen edhe më tej në të ardhmen, duke kontribuar në zhvillimin e ndërsjellë dhe mirëkuptimin mes dy vendeve.
