Në prag të vitit të ri shkollor, Bashkia e Korçës ka nisur pajisjen e laboratorëve të shkollave me kompjutera të rinj. Ky projekt përbën një hap të rëndësishëm drejt modernizimit të mësimdhënies dhe krijimit të kushteve të përshtatshme për nxënësit që të mësojnë, të krijojnë dhe të përqafojnë botën e teknologjisë.
Nisma e ndërmarrë nga Bashkia Korçë po zgjerohet çdo ditë në shkollat 9-vjeçare dhe të mesme të qytetit, me synimin që teknologjia dhe inovacioni të bëhen pjesë e pandarë e procesit mësimor. Në këtë mënyrë, fëmijëve u jepet mundësia të përgatiten më mirë për sfidat e së ardhmes.
Korça, e njohur si qyteti i kulturës dhe i dijes, po kthehet gjithashtu në një model të investimit për të ardhmen digjitale të brezit të ri, duke forcuar rolin e saj si një qendër e arsimit dhe inovacionit në vend.
