Mjeku shqiptar Ervis Agastra është pranuar në programin Academic Visiting Fellow pranë Moffitt Cancer Center në Tampa, Florida – një nga 10 qendrat më të mira spitalore dhe kërkimore në SHBA për trajtimin dhe studimin e kancerit.
Lajmin e ka ndarë vetë mjeku përmes një postimi në rrjetet sociale, ku shprehu mirënjohjen për mbështetjen e organizatës Albanians Fighting Cancer USA dhe Foti Kokerit në këtë etapë të rëndësishme të karrierës së tij.
“I lumtur që u pranova në programin Academic Visiting Fellow në Moffitt Cancer Center, Tampa, Florida. Një qendër spitalore dhe kërkimore në 10 më të mirat në Amerikë. Falënderime pafund për Albanians Fighting Cancer USA dhe Foti Kokerin për mbështetjen në këtë etapë profesionale”, shkroi ai.
Pranimi i tij në këtë program përfaqëson një sukses të rëndësishëm jo vetëm për rrugëtimin e tij profesional, por edhe për komunitetin shqiptar të mjekëve në diasporë, i cili po forcon gjithnjë e më shumë prezencën në institucione prestigjioze ndërkombëtare.
