Skënderbeu fiton bindshëm në Durrës, vetëm 60 minuta lojë ndaj Teutës
Skuadra e vajzave të Skënderbeut në volejboll ka marrë një fitore të pastër në transfertë ndaj Teutës së Durrësit, duke triumfuar me rezultatin 0-3.
Ndeshja zgjati më pak se një orë, me sete 15-25, 20-25 dhe 17-25, duke reflektuar dominimin e korçareve në të gjitha drejtimet e lojës.
Pas pesë javësh kampionat, ekipi i Skënderbeut regjistron tri fitore dhe dy humbje, duke u renditur në vendin e katërt të klasifikimit.
Një rezultat që e mban skuadrën në garë për zonën e kreut dhe i jep moral për përballjet e radhës.
