Agjerim Kapa, një ditë më parë, ka humbur të gjithë fermën e tij të blektorisë në fshatin Çërravë, pasi një zjarr i fuqishëm shkrumboi plotësisht stallën me 170 krerë bagëti të imta.
Kryetari i Bashkisë Pogradec, Ilir Xhakolli, e ka siguruar blektorin se pas komunikimit me Ministrinë e Bujqësisë është gjetur mundësia për përballimin e plotë të dëmit të shkaktuar. Ai bëri me dije se janë grumbulluar të gjitha të dhënat për dëmet dhe po ndiqen procedurat për dëmshpërblim në bashkëpunim me institucionet përkatëse.
Sipas ekspertëve, zjarri është shkaktuar nga një shkëndijë elektrike, ndërsa ndërhyrja e zjarrfikësve ka qenë e pamundur për shkak të mungesës së njoftimit në kohë. Babë e bir tashmë presin ndihmën nga shteti për të ringritur fermën, që për ta përfaqëson të vetmen burim jetese.
