Festat Kombëtare/ Programi i veçantë për 28-29 Nëntor
Bashkia ka organizuar një sërë aktivitetesh festive për të përkujtuar dy nga datat më të rëndësishme të historisë kombëtare, 28 dhe 29 Nëntorin. Qytetarët janë të ftuar të marrin pjesë në ceremonitë dhe koncertet që do të zhvillohen në pika kyçe të qytetit, për të festuar së bashku këtë atmosferë të veçantë patriotike.
28 Nëntor – Dita e Pavarësisë
• Ora 09:30: Banda e Qytetit do të performojë pranë Monumentit të Luftëtarit Kombëtar.
• Ora 10:00: Ceremonia e Nderimit të Flamurit pranë Monumentit të Luftëtarit Kombëtar, për të nderuar të gjithë ata që luftuan për lirinë e kombit.
• Ora 10:30: Celebrimi i Flamurit do të mbahet në Katedralen “Ringjallja e Krishtit”.
• Ora 19:00: Koncert madhështor “Zjarri e Flakë” në Pazarin e Vjetër, ku do të performojnë artistë të njohur dhe grupe lokale.
29 Nëntor – Dita e Çlirimit
• Ora 09:30: Banda e Qytetit do të zhvillojë një tjetër performancë, këtë herë pranë Teatrit “Andon Z. Çajupi”.
• Ora 10:00: Koncert Festiv në Teatrin “Andon Z. Çajupi”, ku do të ngjiten në skenë artistë të ndryshëm me një program të pasur muzikor.
Ejani të festojmë së bashku këto dy ditë të mëdha të krenarisë kombëtare, duke rikthyer emocionet dhe frymën patriotike!
