Rruga e cila të çon në llixhat e Sarandoporit, si një nga problemet më të mëdha të kësaj zone për turistët e huaj por edhe ata vendas, mesa duket problematika po merr fund.
Kryetari i bashkisë së Kolonjës, Erion Isai, i cili ka lajmëruar, nëpërmjet një postimi në rrjetet e tij sociale instagram dhe facebook, se ka nisur asfaltimi i rrugës e cila të çon drejt llixhave të Sarandoporit, duke e bërë kështu një zonë më të aksesueshme dhe një nga zonat më të bukura të turizmit kolonjar.
Përpos asfaltimit të kryer nga ana e bashkisë dhe Fondit Shqiptar të Zhvillimit, Kolibri.al ka mësuar se në llixhat e Sarandoporit do ndërtohen dy vaska në ujërat termale, duke e bërë kështu edhe më tërheqëse për vizitorët vendas dhe të huaj.
Postimi në rrjetet sociale;
Mirëmëngjes nga rruga e llixhave të Sarandaporit. Ka filluar asfaltimi i rrugës së llixhave më të veçanta e kurative në një zonë magjepsëse për bukuritë natyrore. Bashkëinvestuar në dy faza nga Bashkia Kolonjë dhe Fondi Shqiptar i Zhvillimit/ Albanian Development Fund. Kjo rrugë hap një tjetër horizont nga magjia turistike e Kolonjë.
