Në bashkinë e Pustecit janë 50 peshkatarë të liçensuar të cilët peshkojnë çdo ditë në ujërat e liqenit të Prespës.
Kërkesa e tyre e vazhdueshme ka qënë ngritja e dy vendgrumbullimeve të sasisë së peshkuar edhe për ta tregëtuar si markë të liqenit të tyre pasi sipas peshkatarëve, me krapin e Prespës abuzohet nga tregëtarë të rretheve të ndryshme.
Todi Jono nga fshati Pustec na thotë se shoqata ka kërkuar ngritjen e dy stacioneve të grumbulllit të peshkut në fshatrat Kallams dhe Pustec.
Shoqata ka të pamundur me fondet e saj ngritjen e këtyre stacioneve ndaj ka kërkuar mbështetjen e bashkisë.
Kryetari i bashkisë Pustec Pali Kolefski ka bërë me dije se pas kërkesës së shoqatës së peshkimit ka kërkuar mbështetjen financiare të ministrisë së bujqësisë për ngritjen e këtyre dy stacioneve.
Një kërkesë të tillë e kanë edhe shoqata e peshkatarëve të Pogradecit të cilët në të shumtën e rasteve sasine e peshkut e shesin në kushte ambulatore.
