Familjarë të deputetes së Korçës Sorina Koti kanë përfituar para publike nga Universiteti i Korçës gjatë vitit 2023,në shkelje të Kodit të Etikës së Deputetit.
Nga të dhënat e Degës së Thesarit,rezulton se në datën 17/03/ 2023,është ekzekutuar pagesa prej 62,400 lek për operatorin ekonomik të familjarëve të deputetes nga autoriteti kontraktues, Universiteti i Korçës “Fan Noli”.
Për të njëjtin operator ekonomik,Universiteti i Korçës,në datën 14/12/2023 ka ekzekutuar pagesën prej 81,000 lek,për shërbimin me objekt;blerje dokumentacioni,printim fature.
Edhe pse Kodi i Etikës i Deputetit,neni 17 kufizon si deptetetin e Kuvendit të Shqipërisë ashtu edhe familjarët e tij të afërt të kryejnë veprimtari fitimprurëse që buron nga pasuria e shtetit ose pushtetit vendor dhe të fitojnë pasuri të këtyre gjatë kohës së ushtrimit të mandatit,Koti vazhdon e qetë të mbushë xhepat me paratë publike.
Kotin nuk e shqetëson as humbja e mandatit,sipas parashikimit në nenin 18 të këtij Kodit që thotë se për shkeljet e konstatuara,çështja i dërgohet Gjykatës Kushtetuese,neni 70,pika 4.
Konflikti i interesit i deputetes Sorina Koti në këtë rast është i dyfishtë,pasi Koti vijon punën edhe si pedagoge e jashtme e Universitetit të Korçës,prej të cilit në vitin 2023 ka përfituar dy tendera.
Për të dy tenderat Universiteti i Korçës ka zbatuar procedurën për prokurimet publike me vlerë të vogël.
Kjo do të thotë,që urdhri i prokurimit është nxjerrë nga titullari i autoritetit kontraktor ose një zyrtar i autorizuar prej tij për të vijuar më pas me vlerësimin e ofertave dhe shpalljen e fituesit.
Si mund të fitojnë tendera nga Universiteti,familjarë të pedagogëve?
A është kjo vendimarrje në konflikt të hapur interesi dhe në shkelje të Kodit të Etikës të institucionit dhe ligje të tjerë ?
Besoj idhtarët e mëdhenj të Kodit të Etikës e kanë një përgjigje me argument po kaq të fortë sa shkelja e bërë me dashje.
Shkruar nga Daniela Zisi
