Policia Rrugore Korçë, orë mësimore për të njohur nxënësit, me rregullat e qarkullimit rrugor dhe rëndësinë e zbatimit të tyre.
Takimi sensibilizues është zhvilluar me nxënësit e klasës të dytë, të shkollës 9-vjeçare “Stavri Themeli”, në Korçë, me qëllim edukimin e nxënësve që në bankat e shkollës, me mënyrën se si duhet të sillen në rrugë.
Gjatë bashkëbisedimit me ta, janë shpjeguar disa nga rregullat e sinjalistikës rrugore, të drejtat dhe detyrimet që duhet të zbatojnë këmbësorët dhe drejtuesit e mjeteve, në mënyrë që të shmangim aksidentet rrugore.
Informimi dhe ndërgjegjësimi i fëmijëve që në moshë të vogël i shërben aftësimit të tyre për të kuptuar më mirë rreziqet që i kanosen kur kalojnë në rrugë.
Fëmijët kanë mbajtur veshur për disa minuta, jelekët fosforeshentë të Policisë, me qëllim sensibilizimi. Atyre ju janë shpërndarë fletëpalosje me këshilla praktike dhe rregulla për përdoruesit e rrugës. Gjithashtu nxënësit, kanë ndaluar drejtues automjetesh në rrugë me qëllim që të përcillnin tek ata, mesazhe sensibilizuese për të mbrojtur jetën e tyre dhe të tjetrit gjatë drejtimit të mjetit.
