Janë jo të largëta vitet kur policia kufitare apo ajo në tërësi vuante për mjete, pajisje apo në shumë raste edhe për karburant që të kryente detyrën. Por përtej çdo problematike që mund të kenë këto sektorë, të paktën një gjë e mirë është e dallueshme viteve të fundit, policia ka një vëmendje të shtuar, pajisje me mjete moderne etj.
Më Pogradec është vënë re se krahas skafit që patrullon në ujë për të kontrolluar varkat apo pushuesit ka edhe mjete motorike më të shpejta si motorrët e ujit të cilët patrullojnë vijën liqenore shumë lehtë, nga Pogradeci në Tushemisht e më tutje drejt Linit.
Kjo është pozitive pasi edhe në raste rreziku policia mund të mbrrijë më shpejt për të dhënë ndihmën e parë si për varkat edhe pushuesit.
Koha kur policinë e linte karburanti në rrugë dhe në shumë raste bëhej meme duket se ka përfunduar, koha kur policia nuk arrinte dot në vendngjarje në kohë është shkurtuar, tashmë ajo që duhet është vlerësimi maksimal i efektivëve me rritje REALE rrogash. Thënë kjo pasi me modernizimin e policisë, krimi është tre hapa më përpara, e që të arrijmë standardet europiane ktëo ndryshime duhet të ndodhin shpejt.
Këtë vit Pogradecit kur ka kaluar mesi i sezonit turistik, nuk ka pasur asnjë pushues të mbytur, përjashto dy raste tentativash që dy gra kanë dashur të vetëmbyten por jamë shpëtuar. Kjo është pozitive, policia po ashtu është në detyrë, por ky shkrim nuk ka për qëllim të ulë vigjilencën, përkundrazi ata duhet të jenë gjithë kohës në këmbë, për të garantuar një sezon të sukseshëm sip ka ndodhur deri tani.
