Fundjava, por jo vetëm, sjell fluks të shtuar të mjeteve në hyrje të qytetit të Elbasanit.
Një situatë e tillë duket edhe gjatë ditëve të javës. Specialistët e trafikut gjykojnë se edhe fluksi i Tiranës në drejtim të jugut të vendit, por shfryhet në drejtim të Elbasanit për të evituar perëndimin e Tiranës që gjithashtu ka mbingarkesë të trafikut.
Gjithashtu trafik i rënduar është çdo ditë edhe në zonën e Librazhdit, kjo ka ndodhur për shkak të disa punimeve që po bëhen në një urë, e cila momentalisht është bërë me një kalim të vetëm.
Këto punime, ka bërë që të bllokohen qindra udhëtarë të cilët po lëvizin nga Korça drejt kryeqytetit. Rruga Hotolisht-Mirakë dhe Labinot-Elbasan kërkon më shumë se dy orë për tu përshkuar, por automjetet kanë mbetur të bllokuar në këtë aks rrugor.
Kohët e fundit për të përshkruar juglindjen e vendit për shkak të trafikut të rënduar një shoferi duhet të kalojë një kalvar të gjatë vuajtjesh. Për shkak të mungesës së bajpasit të Elbasanit por edhe punimeve në Librazhd, për të shkuar nga Tirana në Korçë një qytetar duhet të shpenzojë mbi 4 orë kohë për një distancë rreth 160 km.
