Korçë: Automjeti përplas të miturin në lagjen nr. 8, jashtë rrezikut për jetën
Sot, rreth orës 12:30, në lagjen nr. 8 të qytetit të Korçës, një automjet me drejtues shtetasin E.B. ka përplasur një të mitur. Fëmija është dërguar menjëherë në spital, ku po merr mjekim dhe ndodhet jashtë rrezikut për jetën.
Shoferi E.B. është shoqëruar nga policia në komisariat për kryerjen e veprimeve procedurale, ndërkohë që grupi hetimor po punon për të zbardhur rrethanat e aksidentit dhe për të përcaktuar shkakun e ngjarjes.
Njoftimi i policisë;
Korçë/Informacion paraprak
Rreth orës 12:30, në lagjen nr. 8, automjeti me drejtues shtetasin E. B. ka përplasur një shtetas të mitur, i cili po merr mjekim dhe është jashtë rezikut për jetën.
Shtetasi E. B. u shoqërua në komisariat, për kryerjen e veprimeve procedurale.
Grupi hetimor po punon për zbardhjen e rrethanave të aksidentit.
