Paraditen e sotme, rreth orës 11:33, një tërmet me magnitudë 3.3 ballë sipas shkallës Rihter goditi qytetin e Pogradecit. Lëkundjet u ndjenë më së shumti në pjesën qendrore të qytetit, veçanërisht në lagjen numër 2 dhe zonat përreth. Banorët e kateve të larta përjetuan panik, por deri më tani nuk ka raportime për dëme materiale.
Sipas Institutit të Gjeoshkencave, Energjisë, Ujit dhe Mjedisit (IGJEUM), epiqendra e tërmetit ishte në afërsi të qytetit, me një thellësi prej 10 kilometrash. Lëkundje të tilla janë të zakonshme në rajonin tonë dhe, për fat të mirë, nuk kanë shkaktuar dëme të konsiderueshme.
Për të qëndruar të informuar mbi aktivitetin sizmik në vend, rekomandohet të ndiqni njoftimet zyrtare të IGJEUM dhe të merrni masat e nevojshme për sigurinë tuaj dhe të familjes.
