Në një atmosferë të ngrohtë dhe festive, u zhvillua aktiviteti i fundvitit dedikuar të moshuarve që frekuentojnë qendrat ditore të moshës së tretë në Korçë, Pogradec dhe Maliq. Ky event kishte për qëllim të ofronte vëmendje, kujdes dhe respekt për të moshuarit, duke i bërë ata pjesë të një feste të veçantë.
Aktiviteti u organizua në kuadër të projektit “Shërbime Sociale e Shëndetësore të Përshtatshme dhe të Integruara për të Moshuarit,” një nismë që ka treguar sukses përmes bashkëpunimit mes Këshillit të Qarkut Korçë, Ministrisë së Shëndetësisë dhe Mbrojtjes Sociale, bashkive të rajonit dhe Fondacionit “Misioni Emanuel.”
Gjatë këtij eventi, të moshuarit shfaqën potencialin e tyre krijues përmes një ankandi simbolik të produkteve artizanale, të përgatitura me dashuri dhe përkushtim. Kjo veprimtari tregoi se kontributi i tyre vazhdon të jetë i çmuar për komunitetin.
Organizatorët falenderuan të gjithë ata që ndihmuan në realizimin e këtij aktiviteti dhe vlerësuan të moshuarit si burim frymëzimi për të gjithë shoqërinë.
Ky aktivitet përmbyll një vit të suksesshëm, duke uruar që vitin e ri të sjellë më shumë shëndet, gëzim dhe projekte të reja për forcimin e solidaritetit dhe mirëqenies në komunitet.
Statusi i Kryetarit të Këshillit të Qarkut
Aktivitet Festiv për të Moshuarit
Sot, në një atmosferë të ngrohtë dhe festive, organizuam aktivitetin e fundvitit dedikuar të moshuarve, të cilët frekuentojnë qendrat ditore të moshës së tretë në Korçë, Pogradec dhe Maliq. Ky event bashkoi përpjekjet tona për t’i ofruar atyre vëmendjen, kujdesin dhe respektin që meritojnë.
Projekti “Shërbime Sociale e Shëndetësore të Përshtatshme dhe të Integruara për të Moshuarit” ka qenë një shembull i shkëlqyer i bashkëpunimit mes institucioneve qendrore, lokale dhe partnerëve tanë të çmuar. Këshilli Qarkut Korçë, me mbështetjen e Ministrisë së Shëndetësisë dhe Mbrojtjes Sociale, dhe me bashkëpunimin e bashkive Korçë, Pogradec dhe Maliq, si dhe Fondacionit “Misioni Emanuel,” kemi arritur rezultate konkrete që përmirësojnë cilësinë e jetës për moshën e tretë në rajonin tonë.
Falë një organizimi të shkëlqyer dhe pjesëmarrjes aktive të të moshuarve, ky aktivitet shërbeu jo vetëm për të festuar, por edhe për të nxjerrë në pah potencialin krijues dhe shpirtin e jashtëzakonshëm të tyre. Ankandi simbolik i produkteve artizanale, të krijuara me aq dashuri dhe përkushtim, ishte një moment emocionues që tregoi se kontributi i të moshuarve mbetet i vyer për komunitetin tonë.
Falenderojmë të gjithë ata që kontribuan në realizimin e këtij aktiviteti dhe mbi të gjitha ju, të moshuarit tanë, që jeni burim frymëzimi për të gjithë ne.
Gëzuar festat dhe urojmë që viti i ri të na gjejë me më shumë shëndet, gëzim dhe projekte të reja që forcojnë solidaritetin dhe mirëqenien në shoqërinë tonë!
