Përfaqësues të Postës Shqiptare konfirmuan sot se të gjitha shërbimet janë në funksion të plotë dhe se pullat postare janë të disponueshme për qytetarët.
Ata theksuan angazhimin e tyre për të përmbushur nevojat e komunitetit dhe për të garantuar një shërbim cilësor, pa ndërprerje.
“Ne jemi të përkushtuar të ofrojmë shërbime cilësore për qytetarët e Korçës dhe të gjithë Shqipërisë. Problem i raportuar është adresuar menjëherë, dhe aktualisht jemi të pajisur me të gjitha mjetet e nevojshme për t’i shërbyer qytetarëve,” u shpreh një zëdhënës i institucionit.
Qytetarët e Korçës tashmë mund të përdorin shërbimet e postës pa pengesa, duke përfshirë dërgesat postare dhe marrjen e pullave, për të realizuar detyrimet e tyre.
