Një aksident rrugor ka ndodhur mëngjesin e sotëm pranë fshatit Çiflig, në qarkun e Korçës, ku dy automjete janë përplasur me njëra-tjetrën, duke shkaktuar dëme të mëdha materiale.
Nga përplasja, një person ka pësuar lëndime dhe është transportuar me urgjencë në Spitalin Rajonal të Korçës. Mësohet se i plagosuri ndodhet jashtë rrezikut për jetën.
Në vendngjarje kanë mbërritur shërbimet e Policisë Rrugore, të cilat kanë nisur hetimet për të përcaktuar shkakun dhe rrethanat e aksidentit.
