Në qendër të Njësisë Administrative Vreshtas, në Bashkinë Maliq, ka nisur të marrë formë një hapësirë e re komunitare që pritet të kthehet në zemrën e jetës sociale të banorëve.
Projekti, i cili përfshin një ambient të dedikuar për të gjitha moshat, është konceptuar si një vend takimi, argëtimi dhe zhvillimi shoqëror.
Që nga fëmijët e deri te të moshuarit, çdo pjesëtar i komunitetit do të ketë mundësinë të gjejë një hapësirë të përshtatshme për të kaluar kohën, për të ndarë ide dhe për të marrë pjesë në aktivitete të ndryshme.
