Skuadra e volejbollit për femra e Skënderbeut po përgatitet me ambicie të mëdha për sezonin e ri, duke synuar të ruajë statusin e saj si pretendente për titullin kampion edhe këtë vit. Burime pranë klubit konfirmojnë se janë të afruara gjashtë lojtare të nivelit të lartë, një pjesë e të cilave me eksperiencë ndërkombëtare.
Në radhët e tyre pritet të jetë një emër i njohur nga Shkodra, si dhe një shqiptare tjetër që aktualisht aktivizohet në kampionatin grek, të dyja me cilësi dhe eksperiencë për të bërë diferencën.
Por nuk ndalet këtu përforcimi. Skënderbeu ka afruar gjithashtu dy volejbolliste nga Brazili, një nga Bjellorusia dhe një tjetër nga Shtetet e Bashkuara të Amerikës, të gjitha lojtare me profil të lartë, të gatshme për të ngritur nivelin e ekipit korçar.
Trajnerët nuk kanë zbuluar ende emrat konkretë, duke ruajtur njëfarë rezervimi për prezantimin zyrtar, por mesazhi i tyre është i qartë:
“Prisni pak, do të shikoni një Skënderbe ndryshe, një skuadër pretendente të vërtetë.”
Korça duket se po përgatitet për një sezon spektakolar në volejbollin e femrave!
