Zjarri që përfshiu fshatin Drenovë të Mallakastrës është neutralizuar pas një operacioni intensiv disaorësh, duke lënë pas rreth 10 hektarë sipërfaqe të djegur me ullinj dhe pyll me shkurre.
Ndërhyrja e shpejtë e forcave operacionale bëri të mundur shmangien e një rreziku më të madh, duke ndalur përhapjen e flakëve drejt banesave dhe varrezave të zonës. Në operacionin për shuarjen e zjarrit u angazhuan 6 mjete zjarrfikëse dhe mbi 50 efektivë nga disa bashki, të cilët u ndihmuan në terren edhe nga banorët e komunitetit.
Monitorimi i vatrave dhe dëmet paraprake
Sipas përllogaritjeve paraprake, nga zjarri janë përshkuar rreth 10 hektarë sipërfaqe e mbjellë me ullinj, si dhe pyll me shkurre. Megjithëse flakët janë vënë nën kontroll, forcat zjarrfikëse vijojnë monitorimin e terrenit për të parandaluar riaktivizimin e vatrave të zjarrit.
Foto ilustruese.
