Drejtoria Vendore e Policisë Korçë ka finalizuar disa veprime policore, duke çuar në arrestime në flagrancë dhe procedime penale për vepra të ndryshme penale në territorin e qarkut.
Shërbimet e Komisariatit të Policisë Korçë arrestuan në flagrancë shtetasin E. P., 24 vjeç, banues në Korçë, i cili dyshohet se në lagjen nr. 10 ka vjedhur një sasi parash në një dyqan.
Ndërkohë, shërbimet e Komisariatit të Policisë Pogradec arrestuan në flagrancë shtetasin Z. H., 45 vjeç, banues në fshatin Starovë, Pogradec, pasi dyshohet se ka ushtruar dhunë fizike dhe psikologjike ndaj babait të tij. Viktima është pajisur me urdhër mbrojtjeje.
Po nga Komisariati i Policisë Pogradec, u referuan materialet në Prokurori dhe nisi procedimi penal ndaj shtetasit G. P., 27 vjeç, banues në Memëlisht, pasi dyshohet se në një lokal të fshatit është konfliktuar me shtetasin T. E., për motive të dobëta.
Gjithashtu, shërbimet e Komisariatit të Policisë Devoll referuan materialet në Prokurori, ku filloi procedimi penal ndaj shtetasit A. A., 33 vjeç, banues në fshatin Menkulas, Devoll, pasi gjatë kontrollit të celularit të tij, në lokalin ku ndodhej, u konstatuan faqe për baste sportive.
Materialet procedurale për të gjitha rastet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
