Një 85-vjeçar është gjetur pa shenja jete brenda banesës së tij në fshatin Buçimas të Pogradecit, pasi dyshohet se ka ndërruar jetë për shkaqe natyrale.
I moshuari jetonte i vetëm në banesën e tij. Alarmi për ngjarjen është dhënë nga djali i tij, i cili, pasi nuk ka mundur të kontaktojë me të atin përmes telefonit, ka kërkuar ndërhyrjen e forcave të Policisë për të kontrolluar banesën.
Hetimet paraprake për ngjarjen
Pas marrjes së njoftimit, shërbimet e policisë kanë mbërritur në vendngjarje ku kanë konstatuar trupin e pajetë të 85-vjeçarit. Sipas verifikimeve paraprake, dyshohet se vdekja ka ardhur për shkaqe natyrale. Ndërkohë, autoritetet po vijojnë veprimet procedurale për dokumentimin e plotë të ngjarjes dhe përcaktimin përfundimtar të rrethanave.
Foto ilustruese.
