Një ngjarje e rëndë është regjistruar në qytetin e Bilishtit, ku një 35-vjeçar ka goditur me thikë xhaxhain e tij, duke i shkaktuar plagë në fytyrë dhe në dorë.
Sipas të dhënave zyrtare nga Policia, specialistët për Hetimin e Krimeve ndaj Personit referuan materialet në Prokurori dhe shpallën në kërkim shtetasin V. Sh., banues në Bilisht, i cili dyshohet se vuan nga probleme të shëndetit mendor.
Ngjarja ka ndodhur për motive të dobëta, ndërsa i plagosuri është dërguar në spital për ndihmë mjekësore dhe ndodhet jashtë rrezikut për jetën.
Policia po vijon punën për kapjen e autorit dhe sqarimin e plotë të rrethanave të ngjarjes.
