Është goditur me sende të forta, 52 vjeçari, Gjergj Zefi, pronar i portalit “Pamfleti”. Ende nuk dihet arsyeja e këtij sherri, ku për pasojë Gjergji ka marrë plagë të rënda dhe ndodhet në spital ku po ndihmën mjekësore.
Njoftimi i Policisë;
Tiranë/Informacion paraprak
Më datë 03.10.2023, nga një telefonatë në Sallën Operative është marrë njoftim se në rrugën “Bardhok Biba”, persona të paidentifikuar kanë goditur me sende të forta një shtetas.
Pas verifikimeve të kryera ka rezultuar se personi i dëmtuar është shtetasi Gj.Z., 52 vjeç (administrator i një portali), i cili aktualisht po merr ndihmën mjekësore.
Me marrjen e njoftimit, është ngritur grupi Hetimor dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.
