Përulësisht falenderues për 17 996 votuesit e mi🙏
Më lejoni që nëpërmjet këtij mesazhi të shkurtër të falënderoj personalisht secilin prej Jush për mbështetjen e kandidaturës sime. Kjo mbështetje kaq e madhe për mua dhe ekipin tim përkthehet në obligim dhe përgjegjësi të madhe kundrejt Jush. Mbështetja Juaj na jep më shumë forcë për të vënë në jetë projektet tona për Pogradecin dhe njësitë administrative. Unë dhe ekipi im, u qëndrojmë pikë për pikë të gjitha zotimeve që kemi marrë në këtë fushatë elektorale. Fakti që ne fituam në sajë të kësaj mbështetjeje, tregon se kishim programin e duhur për Pogradecin tonë dhe se si ne duam ta çojmë atë #VetëmPërpara. Tashmë është koha të përveshim mëngët dhe t’i futemi punës për bërë më të mirën për Pogradecin, Buçimasin, Udënishtin, Çerravën, Proptishtin, Velçanin, Dardhasin dhe Trebinjën. Sëbashku me Ju në rrugën e pandalshme të zhvillimit me Edi Ramën dhe Partinë Socialiste! Falenderim kam edhe për gjithë ekipin e fushatës elektorale dhe Partisë Socialiste Pogradec, të cilët me angazhim maksimal përcollën programin dhe idetë tona në çdo familje. Falënderimi shkon edhe për 8123 votuesit të cilët votuan kandidaturën tjetër! Unë zotohem se nuk do të ketë asnjë lloj dallimi për t’ju shërbyer edhe Ju. Kjo fushatë nuk ishte politike për të majtë apo të djathtë. Kjo fushatë ishte zgjedhja e administratorit më të mirë të Pogradecit.
Përjetësisht falënderues!
Juaji,
Ilir Xhakolli!
