Kolibri.al ka marrë një denoncim të fortë në rrjetet sociale, teksa një e re shprehet se brenda fakultetit të infermierisë në universitetin e Korçës ka korrupsion.
E reja nga Korça vijon më tej duke thënë se nuk ka mundur ta filmoje kur është dhënë pagesa 250 euro për provim pasi pedagogia u mbledh telefonat para çdo provimi, ku në këtë formë nuk arrihet të sigurohet provë filmike për të faktuar korrupsionin aktiv në universitetin e Korçës.
Edhe me pare ka patur denoncime për mitmarrje ku një pedagog nga Korça është arrestuar ndërkohë që dhjetra emisione investigative kanë provuar se brenda këtij universiteti ka korrupsion.
Për këtë fakt, burime nga brenda fakultetit të infermierisë bëjnë me dije se rektori i universitetit Dhimitër Bello është shqetësuar sa ka kryer disa herë takime me pedagogët, duke u kërkuar të distancohen nga të tilla veprime.
