Pas dorëheqjes së trajnerit Erindi Maneshi nga pankina e Devollit, situata në klubin kuqeblu është bërë edhe më e ndërlikuar.
Burime pranë skuadrës bëjnë me dije se kryebashkiaku i Devollit, Eduard Duro, ka kontaktuar trajnerin pogradecar Ardian Abazaj, me qëllim që t’i besojë drejtimin e ekipit. Megjithatë, deri në këto momente, Abazaj nuk ka dhënë ende një përgjigje përfundimtare.
Në katër javët e para të kampionatit, Devolli ka regjistruar tre humbje dhe vetëm një fitore, duke u gjendur në një situatë tejet të vështirë.
Presioni mbi drejtuesit është shtuar, ndërsa ndeshja e radhës në transfertë ndaj Bylis “B”, skuadër që synon ngjitjen në Kategorinë e Parë, pritet të jetë një tjetër provë e rëndësishme për ekipin devollit.
