Në rrugët e Korçës është bërë e zakonshme prania e turistëve gjermane e francezë, të cilët shprehen se Korça është pjesë e lëvizjeve të tyre në Shqipëri.
“Hera e parë në Shqipëri, po kënaqemi shumë. Na zuri shi por qyteti i zbukurua”.
“Ishim nëpër Shqipëri, erdhëm dhe në Korçë. Natyra, njerëzit e çmimet janë të mrekullueshme. Rrugicat e vjetra janë mahnitëse“- tha turisti gjerman.
“Vijmë nga Gjermania, hera e parë në Shqipëri. Kohë e keqe por gjithsesi u kënaqem me lëvizjet në qytet. Pazari I vjetër qenka shume i bukur, shqiptarët shumë mikpritës“- tha turistja gjermane.
Kjo është familja franceze Beqchua, të cilët janë për herë të parë në Korçë. Ata po udhëtojnë nëpër botë dhe pjesë të udhëtimit të tyre kanë vendosur të kenë edhe vendin tonë.
“Jemi një familje nga Franca vendosëm të udhëtojmë nëpër botë. Erdhëm në Shqipëri, natyra shumë e bukur, ishim në Liqenin e Prespës, tani jemi në Korçë, pazari, Kisha, ushqimet, Muze plot. Qytet turistik“- tha turistja franceze.
“Më pëlqen Shqipëria, sot do vizitojmë fabrikën e birrës dhe jam i sigurte qe do rikthehemi përsëri”– u shpreh një tjetër.
Operatorët turistike bëjnë me dije se këtë vit kanë rezervime 10% më shumë me turistë të huaj se një vit më parë.
