Kjo fundjavë është shoqëruar me reshje bore në zonat e thella malore të Korçës. Në majën e mashkullores në Panarit, trashësia e dëborës ka arritur deri në 1.5 metra, ndërkohë që në disa vende, për shkak të erës dhe akumulimeve të dëborës, ajo shkon deri në 2 metra.
Sipas informacionioneve, mjetet borëpastruese kanë punuar pa ndërprerje për të pastruar rrugët dhe për të mundësuar kalimin e mjeteve i cili është i mundur vetëm me zinxhirë,të cilat janë të domosdoshme në këtë rrugë. Në një lidhje telefonike, Kryetari i fshatit Panarit Spartak Laze bën me dije se rruga është e hapur dhe nuk ka izolim të banorëve.
Për ato mjete që e kanë të detyrueshme të lëvizin drejt fshatit Panarit, autoritetet këshillojnë shoferët të jenë të kujdesshëm dhe të respektojnë udhëzimet për përdorimin e zinxhirëve dhe mjetet përkatëse.
