Kandidati i PS për Bashkinë e Pogradecit Ilir Xhakolli ka zhvilluar një takim me operatorët turistikë të këtij qyteti. Xhakolli iu ka kërkuar atyre mbështetjen në 14 Maj në mënyrë që të vijojë tramsformimi Pogradecit dhe zhvillimi i turizmit.
📍Me operatorët turistikë, për të çuar më lart zhvillimin e turizmit në Pogradec.
Kur mora drejtimin e Bashkisë Pogradec u zotova që Pogradeci nuk do operonte vetëm në turizëm klasik(liqenor) por do punonim fort për ta shtrirë edhe më gjerë. Hodhëm hapa të rëndësishëm në zhvillimin e turizmit kulturor e historik, por vëmendje të shtuar i kushtuam edhe atij malor. Sot jam krenar të them që Pogradeci i ofron të gjitha këto drejtime turistike. Ende ka punë për të plotësuar paketën 4-stinore të Pogradecit, për të cilën ne kemi punuar vazhdimisht dhe ja kemi dalë ta vendosim në rrugën e duhur. Ndërkohë që do zhvillojmë edhe më fuqishëm turizmin sportiv në liqen si një atraksion i ri për vendasit dhe të huajt.
Diskutuam shumë ide të reja me operatorët turistikë mbi projektet e zbatuara dhe ato që do të nisin së shpejti. Projekte të cilat do kenë impakt të drejtëpërdrejtë në turizëm.
Po zbatohen:
●Parku Ujor Drilon-Tushemisht.
●Shëtitorja e Tushemishtit.
●Loti i dytë Pogradec-Dogana Tushemisht.
Nisim së shpejti me:
●Shëtitoren përgjatë liqenit, projekt i financuar.
●Zbulimi i Kalasë së Pogradecit dhe rehabilitimi i gjithë zonës përreth, projekt i financuar.
●Rikualifikimin e lagjeve historike “Toplec” “Naim Frashëri” projekt i financuar.
●Rikualifikim urban në Lin, i financuar.
●Vendosim anije me fotovoltaikë(50 vende) për lundrim në liqen edhe drejt Ohrit e Strugës, e financuar.
Kemi projektuar dhe do sigurojmë financimin për:
●Kompleksin Olimpik Sportiv tek zona e Vilave (pishinë olimpike, fusha tenisi, basketboll, volejboll, palestër natyrore etj)
●Fusha sportive për stërvitjen e ekipeve të ndryshme dhe ekipin tonë.
