Inagurohet qendra e informacionit dhe promovimit të vlerave natyrore, kulturore e arkitekturore të Parkut Kombëtar të Prespës.
Turistët me funksionimin e kësaj qëndre do të kenë mundësinë që të marrin informacion për pikat turistike natyore dhe kulturore të vizitueshme në park, teknikat tradicionale arkitektonike të banesave të zonës, si dhe teknikat tradicionale arkitektonike të peizazhit (gardhet, rrethimet, hambaret, stallat).
Qendra e informacionit për turistët ndodhet në hyrje të Parkut Kombëtar Prespë, në fshatin Lajthizë. Çelja e dyerve të kësaj qendre u bë e mundur falë bashkëpunimit të: Agjencisë Komëtare të Zonave të Mbrojtura, KFW Albania, GFA Consulting group, Bashkëpunimit Gjerman dhe European Heritage Volunteers.
