Një ngjarje me motive të dobëta ka ndodhur në lagjen nr. 1 të qytetit të Pogradecit, ku pas një konflikti të çastit në një lokal janë dëmtuar me gota dy shtetas, M. Xh. dhe K. N. Të plagosurit janë transportuar menjëherë në spital dhe ndodhen jashtë rrezikut për jetën.
Ndërkohë, tre shtetas të tjerë, A. K., N. Ç. dhe D. Xh., janë shoqëruar në Komisariatin e Policisë për veprime të mëtejshme procedurale.
Grupi hetimor po vijon punën për zbardhjen e plotë të ngjarjes dhe dokumentimin e saj ligjor.
