Këshilli i Qarkut Korçë ka finalizuar me sukses një nga projektet fituese të platformës TIP, në bashkëpunim me Giz Albania, me fokus mbështetjen dhe zhvillimin e turizmit në zonat rurale.
Si pjesë e këtij programi, Stacioni Turistik Devoll do të ofrojë tashmë aktivitete atraktive si Kayak, Stand Up Paddle dhe biçikleta, duke krijuar mundësi të reja për vizitorët.
Projekti ka në qendër rivitalizimin e Prespës së Vogël si dhe promovimin e rekreacionit në zona të tjera turistike të Devollit, duke synuar rritjen e potencialit turistik të rajonit dhe të ardhura të qëndrueshme për komunitetin lokal.
Ky investim pritet të kthejë Devollin dhe Prespën në një destinacion më të frekuentuar nga turistët vendas dhe të huaj, duke nxitur njëkohësisht zhvillimin ekonomik të zonës.
