Mirënjohje🌹
Sot kemi përmbyllur 30 ditë intesive të një fushate elektorale të qetë dhe mjaft qytetare. Kam takuar me qindra dhe mijra prej jush, duke ju parë në sy, për të folur mbi punën që unë dhe stafi im kemi bërë në këtë mandat të parë. Kemi arritur që Pogradecin në këto 4 vite ta futim në shinat e zhvillimit të pandalshëm dhe ajo ku synojmë të shkojmë është kapërcimi i kësaj faze për të qenë një qytet tërësisht i zhvilluar. Përtej vështirësive nga termeti dhe pandemia që ngadalësuan investimet e projekteve, jam krenar të them sot se kemi bërë shumë, por shumë më shumë duhet të bëjmë për të transformuar Pogradecin dhe njësitë administrative. Unë dhe stafi im kemi punuar fort që në këtë mandat të ardhshëm të ndërtojmë një program serioz për të cilin angazhohemi që ta vendosim në jetë me vullnetin dhe dashurinë që na karakterizon për Pogradecin. Nuk po zgjatem me programin dhe projektet pasi i kemi shpalosur çdo ditë me ju si dhe në rrjetet sociale, por kam një thirrje të sinqertë: Më 14 Maj, Ju do të vendosni mes zhvillimit të pandalshëm të Pogradecit dhe alternativës për t’u kthyer pas, Pogradeci dhe banorët e tij nuk kanë as kohë dhe as durim për vonesa, banorët e kësaj bashkie do të vendosin për alternativën më të mirë qeverisëse që është Partia Socialiste e Shqipërisë dhe Ilir Xhakolli. Prandaj, ditën e diel, Ju keni në dorë që ne sëbashku të mos e ndalim vrapin por bashkarisht si një trup dhe mendje e vetme të kapim trenin e zhvillimit për qytetin dhe për të ardhmen e fëmijëve tanë. Duke ju falenderuar secilin prej jush, ty që u takuam dhe ty që komunikuam nëpërmjet rrjeteve sociale, ju ftoj që të ecim bashkë #VetëmPërpara🌹
