☑️Bashkia e Devollit në vitet e fundit ka përfituar mbështetje të rëndësishme nga qeveria Rama dhe financime të huaja, për realizimin e ndërhyrjeve të rëndësishme në fushën e infrastruktrës rrugore, siç janë segmentet e rikonstruktuara rrugore për në fshatrat Qytezë, Sinicë e Arrzë, rruga Vernik-Bilisht, të cilat ndihmojnë për shfrytëzimin produktiv të potencialeve që ka kjo zonë sa i takon agroturizmit dhe turizmit të natyrës.
Gjithashtu, investime të rëndësishme janë realizuar edhe në infrastrukturën arsimore, kulturore dhe atë sociale, siç është shkolla 9-vjeçare “Dritëro Agolli”, shkolla “Nesim Kaçani” në Miras, projekti në zbatim për shkollën fillore “Myrteza Sala” të qytetit, Qendra Multifunksionale për Kujdes Social, Qëndra Kulturore e Fëmijëve, përmirësimi i kushteve të banesave të shumë familjeve në nevojë, etj.
Një projekt shumë i bukur i të ardhmes së afërt, është edhe projekti që do të financohet me grante të BE-së dhe kredi nga Banka Europiane për Rindërtim dhe Zhvillim në vlerën 3 milionë dollarë, që ka si objektiv përmirësimin e potencialit turistik nëpërmjet aksesit, infrastruktrës dhe ndërhyrjeve të turizmit aventuresk në zonat natyrore të Arrzelës, Sinicës dhe Nikolicës.
Zona e Devollit shquhet për histori e kontribute të spikatura në historinë tonë kombëtare, por edhe si një bashki me profil të theksuar bujqësor ku ka edhe shumë njerëz punëtorë, të cilët me përkushtimin dhe punën e tyre të ndershme e punojnë tokën si ndoshta askund tjetër në Shqipëri, ndaj edhe mbështetja për bujqësinë (fermerët) ka qenë dhe do të mbetet një prioritet i qeverisë për Devollin dhe gjithë qarkun tonë.
☑️Së bashku me Drejtuesin Politik të qarkut z.Niko Peleshi dhe deputetin e zonës z.Ilir Topi, ishim në një nga lagjet kryesore të qytetit të Bilishtit, për të mbështetur kandidaturën e Kryetarit Eduard Duro, që edhe në të ardhmen kjo bashki të mos e ndalë rrugën dhe ritmin e ndryshimeve të domosdoshme që do të sjellin ndikime pozitive për komunitetet që banojnë në zonën urbane dhe kryesisht atë rurale.
☑️Falë vazhdimit të investimeve të reja të qeverisë Rama dhe punës së Kryetarit Duro edhe në të ardhmen, premisat për rritjen e mirëqënies së gjithë qytetarëve të kësaj bashkie do të jenë një realitet shumë herë më i prekshëm.
