Një aventurë fantastike dhe tejet emocionuese kështu e ka quajtur regjisori Leonard Bombaj, pedalimin prej më shumë se 200 km nga Tirana deri tëk shtëpia e fisit Kulla në fshatin Zëmblak të Maliqit.
Për Bombajn, pikënisja e kësaj aventure ka qënë pikërisht regjisori i madh shqiptar Pëllumb Kulla, dhe pikërisht për këtë fakt ka kërkuar që të përfundojë këtë etapë tek shtëpia ku ai është lindur,atje ku u shoqërua edhe nga grupi i çiklistëve kampionë të klubit Skënderbeu, të cilët e “rrëmbyen” për ta shëtitur në pikat më të bukura të qytetit.
Në përfundim të turit, Bombaj u shpreh se është një projekt i tij për të vizituar çdo cep të shqipërisë ku ka histori. Dhe pikërisht Zëmblaku i Maliqit është një nga ato vende ku historia është me shumicë.
