Edicioni i 19-të i monodramës “Albamono” përfundoi, ai u zhvillua në Korçë nga data 21 deri më 24 qershor me pjesëmarrjen e 5 artistëve të huaj.
Për natën e parë u zgjodh pikërisht godina e rrënuar e qendrës kulturore për të tërhequr vëmendjen e Ministrisë së Kulturës.
Por çfarë është Albamono?
“Albamono” në thelbin e vet është një presion i fuqishëm drejt punëve individuale dhe tërësisht profesionale të aktorëve. Nxitja drejt “palestrave” të fuqishme të aktrimit. Lëvrimin e monodramës si një thellim i procesit për krijimin e karaktereve aq shumë të munguara në prodhimet teatrore shqiptare. Zhvillimin e kësaj gjinie dramatike, me fillesat e saj që kur legjendari Thespis u shkëput nga kori antik, edhe ne ambientin teatër-bërës shqiptar.
Kryetari i jurisë tha se në fund të festivalit do të ndahen 3 çmime.
Mazen El Gharabaëy – Kryetar Jurie, “Festivali i Monodramës në këtë edicion të 19-të vjen me 5 aktorë nga 5 shtetet të ndryshme në këtë festival do të ndahen 3 çmime që do të jepen në fund të festvalit. “çmimi i madh do të jepet në emër të themeluesit të festivalit “Dhimitër Orgocka”, çmimi për aktorin më të mirë, çmimi për regjinë më të mirë, – ka thënë ai.
Përpos qytetit të Maliqit artistët performuan në ditët në vijim në katedralen e Korçës.
Në përfundim të Festivalit Ndërkombëtar të Monodramës “ALBAMONO” Edicioni i 19, juria ndërkombëtare vendosi të vlerësojë:
- Me çmimin Aktorja më e Mirë Femër, Hadar Galron, me shfaqen monodramë, “BILBILI”, nga Independet & Cameri Theatre, Israel.
- Regjisorja më e mirë Dina Zhumabayeve, për shfaqen monodramë “MEDEA” ,nga The Kazakh State Academic Theatre, Kazakhstan, Almati.
- Me çmimin “Dhimitër Orgocka” Grand Prix, me shfaqen monodramë “MEDEA” me aktoren Baibosynova Gylbakhram ,nga The Kazakh State Academic Theatre, Kazakhstan, Almati.
