Në Pogradec u zhvillua mbrëmja festive kushtuar nxënësve të dalluar të shkollave 9-vjeçare, një aktivitet i organizuar nga Qendra Arsimore pranë Bashkisë Pogradec në bashkëpunim me Zyrën Vendore Arsimore Pogradec.
Ky event, i cili tashmë përbën një traditë shumëvjeçare, u organizua si shenjë vlerësimi për nxënësit që janë dalluar për rezultate të shkëlqyera në mësime, duke promovuar ekselencën dhe përkushtimin në arsim.
Gjatë mbrëmjes u theksua gjithashtu roli i rëndësishëm i mësuesve dhe prindërve, të cilët me punën dhe mbështetjen e tyre të vazhdueshme kontribuojnë drejtpërdrejt në formimin dhe suksesin e brezit të ri.
Bashkia Pogradec dhe Qendra Arsimore ritheksuan angazhimin e tyre për mbështetjen e arsimit, krijimin e mundësive për zhvillimin e talenteve dhe nxitjen e një arsimi cilësor, si bazë për një të ardhme të qëndrueshme të komunitetit.
