Qyteti liqenor këtë vit ofron më shumë hapsira publike dhe më shumë lehtësira për pushuesit. Këtë verë janë mundësuar krahas palzheve edhe çadra pa pagesë.
Vendasit por edhe të ardhurit nga qytete të tjera si Tirana, Shkodra, Durrësi, etj., shprehen të kënaqur me çfarë kanë gjetur dhe thonë se nga viti në vit ka reflektim për mirë nga ana e pushtetit lokal.
Por siguria në plazhe si ato publike dhe private mbetet shqetësim për ta. Pushuesit thonë se ende nuk janë vendosur kullat e vrojtimit ashtu si thonë se rojet duhet të jenë më të shumtë, sepse në disa raste edhe nuk i konstatojnë, apo nuk dinë vendin e tyre të qëndrimit.
Deri më tani kur Pogradeci ka nisur të popullohet me pushues nuk ka pasur incidentet brenda në liqen, përjashto disa raste që ka pasur kërkesa për ndihmë të parë nga të moshuar për shkak të diellit.
Ndërkohë që rritja e sipërfaqes së plazheve me ligj ka dhënë shenja pozitive tek pushuesit.
