111 të punësuar të rinj rezultojnë në 3 muajt që lamë pas në qytetin e Pogradecit. Qyteti liqenor i cili shënon më së shumti rritje të të punësuarve gjatë sezonit turistik duket se po e thyen këtë “tabu” pasi edhe në sezonet vjeshtë e dimër ka shënuar rritje të të punësuarve.
Ermal Dokollari përgjegjës i Zyrës së Punësimit dhe Formimit Profesional në Pogradec bën me dije për Kolibri.al se ka një rritje të kërkesave nga subjektet private për punonjës.
Vendin e parë të kërkesave e ka zënë sektori i ndërtimit, sipas Dokollarit fakti që në 3 vitet e fundit Pogradeci është kthyer në një kantier pune me projektet që po zbatohen nga qeveria dhe bashkia ka pasur një numër të lartë punësimesh dhe kërkesash për puntorë dhe ustallarë.
Vendin e dytë e mban sektori i fasonerisë i cili jovetëm ofron vende pune por edhe kurse trajnimi për gratë në mënyrë që të zotërojnë zanatin e rrobaqepëses.
Kërkesa gjatë 3 mujorshit që lamë pas ka pasur edhe nga sektori i hoteleri-turizmit i cili pritet që ti 2 apo 3-fishojë këto kërkesa nisur nga fakti që jemi para çeljes së sezonit turistik.
Sipas Dokollarit ka një numër të konsiderueshëm kërkesash edhe për profesionet e lira si ekonomistë, finanncierë apo edhe profesione të tjera.
Kjo tregon se tregu ka mungesa të profesionistëve për shkak edhe të emigrimit që nuk e ka lënë pa prekur Pogradecin në vitet e fundit. Vera shënon jo vetëm kërkesa për puntorë por edhe hapje të mbi 100 bizneseve sezonale.
