Momentalisht vajzat liqenore janë në vendin e 4, një siguri kjo për të shkuar në këtë fazë finale por volejbollistet e trajnerit Besnik Lisha kërkojnë të ngjiten me lart për të patur siguri e ndeshjes finale që mund të luajnë në shtëpi.
Pogradecaret kanë e dy ndeshje për të luajtur me Partizanin e Teutën, takime që i mendojnë të fituara.
E nëse ndodh kjo, liqenoret renditen në vendin e tretë për të luajtur më pas në çerek finale të fazës së playoff me ekipin e renditur në vendin e 6 dhe në vijim një ndeshje tjeter të kësaj faze për të hyrë në gjysmëfinale të playoff aty ku janë të gjitha gjasat të gjejë edhe Skënderbeun e Tiranën.
Trajneri Besnik Lisha vazhdimisht ka thënë se Pogradeci i këtij sezoni do të jetë një nga skuadrat që do të kërkojë titullin kampion, që do të ishte arritje më e madhe e volejbollit liqenor.
